فريلانس

اشتغل بالمجان في البداية لو ده هيحققلك ربح بعدين

في مبدأ اسمه Free to Fee
في ناس كتير اتعلمت ودرست مونتاج ونفسها تشتغل وبتشوف عملا بتقدر االلي عندهم Portfolio مع انك لو انت منتجت ممكن يكون عندك sense احسن من اللى عنده بورتفوليو وعندك افكار وعايز تطبقها .

المبدأ ده هو عبارة عن انك تخيل كدة لو منتجت لصحابك بالمجان او منتجت لمعارفك بالمجان زي افراح مثلا او فيديوهات للرفاهية زي السفر مثلا .

تعرف انت كدة وصلت لكام عميل وانت مش واخد بالك ؟؟ تعرف انك ال value اللى قدمتها لصاحبك دي ممكن تعود عليك برزق اد ايه ؟

طب تخيل بقى لو انت عملت ده مع عملا حقيقين محتاجين شغل . وقولت لعميل من العملا انا مستعد امنتجلك اول فيديو بالمجان عشان تشوف اد ايه انا هقدملك value ولو لقيت ان شغلي مناسب نتعامل مع بعض long term وبمقابل مادي

المبدأ ده على اد مافي ناس ممكن تاخد منك الخدمة وتطير متشوفهاش تاني الا انك استفدت انك عملت portfolio لنفسك

والنقطة التانية انك كسبت خبرة ان العملا اللى زي دي عمرها حتى لو دفعتلك فلوس ماهتكمل معاك لأنها معندهاش هدف وانها بتضيع وقت او بتجرب وبالتالي هتتفادى النوع ده من العملا بعد كدة .
احنا هنا مش بنتكلم عن انك تقلل من قيمة نفسك وتفضل طول حياتك عايش بالمبدأ ده .

المبدأ ده هو مجرد بداية ليك عشان تجيب شغل وتوسع من معارفك بمجرد عمل فيديو واحد .

زي ماقولتلك لو عملت فيديو لصاحبك Free وهو عمله شير وعجب الناس او رشحك لكل الناس عشان عارف انك تقيل في المجال . ده هيعود عليك بالزرق سواء دلوقتي او في المستقبل .

هل الكلام ده حصل فعلا بدلائل

اه حصل مع واحد اسمه Parker Walbeck

ده ال mentor اللى اتعلمت ومازلت بتعلم منه يعني ايه Flimmaking وهو احد اسباب اللى يخليني اتشجع وانقل محتوى اجنبي واحوله لعربي وافيد الناس بنفس اسم الدومين بتاعه مع اختلاف الاسم .

الراجل كان شغال موظف في شركة ولكن كان شغفه ال filmmaking .. قرر انه يبعت ل devin super tramp دي تقريبا ناس كتير تعرفها قناة على اليوتيوب بتحاكي الالعاب وبتسافر جميع انحاء العالم وبتعمل فيديوهات for fun

الناس دي كانت عايزه حد يظهر بايده في الفيديوهات بس ويضرب بسلاح كأنه في لعبة حرب . parker كلمهم ووافقوا عليه وعرض عليهم انه يصورلهم كل ال makings بتاعتهم بدون مقابل . فضل شغال معاهم فترة لحد ماعرضوا عليه مقابل مادي شهريا ..

parker كمان كان راح لجامعة وصور ايفنت بالكامل من باب الرفاهيه والممارسة والجامعة عجبها الفيديو جدا وطلبوا منه يعمل فيديو تاني بمقابل ..

الخلاصة انت ممكن تشتغل free عادي بس ازاي تستفاد من المجان ده انه يتحول لفلوس بعد كدة ..

اوعى تفتكر انك بتقلل من قيمة نفسك لو بعت فيديو لشركة كبيرة تثبت ليهم انك اد ايه محتاج فرصة انك تبدع معاهم

وجرب تبعت لكذا حدا هو ملهم بالنسبة لك ممكن يكون الملهم ده سبب في انك تشتغل معاه ويزود من خبرتك وتحقق كيان لنفسك وتعمل بيزنس لنفسك وده اللى حصل مع parker فعلا انه ساب devin super tramp لأنه حس انه بقى مجرد مساعد وهو عايز يبقى الاساسي وقرر يعمل كيان لنفسه وابتدى يجيله شغل كتير جدا بسبب ابداعه وكمان بسبب خبرته مع Devin super tramp .

اظهر المزيد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى