فريلانس

ليه العميل يختارك انت عن غيرك؟

العملا عايزة مننا ايه ؟
ليه العميل يختارك انت وميخترش غيرك ؟

في ناس ممكن تكون اجابتها عشان انا جامد في المونتاج . وده خطأ بيقع في معظم الناس . ان العميل بيعينك عشان انت واخد شهادة في انك تعرف تشتغل مونتير او انك عندك خبرة في المونتاج او اي مجال عامة .

مفيش عميل بيهتم انك مونتير شاطر في الافلام الوثائقية او في اي نوع من انواع الفيديوهات .

العميل يهمه حاجة واحدة بس ( انت هتعرف تعمل الحاجة اللى هيديهالك دي ولا لا )
ميفرقش معاه عدد سنين الخبرة بتاعتك زي ماقولنا او انت جامد في مجال معين او لا.

كل عميل بتتعامل معاه . انت بتقدم Value ودي بتكون الحاجة اللى هو عايزها (زي انك تعمله Wedding video مع Highlight للفيديو ده او Trailer او Teaser . على حسب العميل عايز منك ايه . وطبعا هو بيقدملك المقابل المادي .

اي شغلانة بتعملها للعميل فهو بيستفيد منها 
في ان الفيديو ده هيكسبه فلوس اكتر (زي لو عملت Trailer مش ده هيخلي الناس تروح تتفرج والفيلم يحقق ايرادات ؟ )

الخلاصة اي حد بتشتغل معاه بيكون هدفه هو انه يكسب اكتر .

تعالى نفترض ان في شركة انتاج مثلا طلبت منك انك تمنتج.
انت كمونتير مينفعش يكون هدفك الاولي هو الربح فقط . لا لازم تسمع من العميل وتعرف ال value اللى انت هتقدمها هتكون ايه وتدي اقتراحات وتسأل اسئلة تفيدك في شغلك . زي انك تشوف ال footage وايه مشاكلها وايه الشوتات اللى شايفها مناسبة وايه الحاجات اللى ممكن تتطلب من العميل اللى يصورها تاني وحاجات كتير تخليك مونتير مختلف عن اي مونتير تاني وتخليك ليك الاولوية ان العميل يفكر فيك انت عن غيرك.

في عملا البادجت بتاعتها محدودة جدا ومش بيفكروا في الربح دلوقتي زي الشركات اللى لسة بتبدأ جديد . فهو عايزك بيستثمر فيك انت وفي فيديوهاتك عشان واثق انه مع مرور كام شهر او حتى كام سنة اللي استثمره ده هيعود عليه بالربح فيما بعد.

الخلاصة: قبل مانقول ان العملا بتختار اللى سعره قليل وغيره . فدايما حط في اعتبارك ان في عميل بيدفع فعلا للي يقدر يقدمله value ويعلي من شأن شركته ويطورها بل بالعكس ده ممكن يتعامل معاه long term عشان خلاص وثق فيه وقرر انه يكمل شغل معاه .

بالتالي لازم يكون عندك الخبرة وكمان الجودة اللى العملا عايزاها وساعتها صدقني اكيد في عملا كتير بروفيشنال هيشرفها التعامل معاك . ولو انت لسة معندكش الجوده دي . كمل في طريقك لأن كل حاجة بالممارسة اكيد هتيجي مع الوقت .

اظهر المزيد

‫2 تعليقات

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى