مشاكل المونتاج وحلها

كيفية تحويل بروجكت بريمير اصدار جديد الى قديم

كتير منا بيبقى شغال مع مونتير تاني مثلا شغال على اصدار حديث من ادوبي بريمير وبيطلب منك تساعده في البروجكت ده وانت لسة معملتش تحديث للاصدار البريمير اللى عندك او اصلا بتستخدم اصدار قديم بسبب امكانيات جهازك . في المقالة دي هنوضح طريقتين تقدر بيهم تقوم بتحويل بروجكت بريمير اصدار جديد الى قديم

الطريقة الاولى : تحويل بروجكت بريمير اصدار جديد الى قديم عن طريق عمل Export to Xml

الطريقة دي هي عبارة عن تطلب من المونتير اللى شغال معاك او العميل انه يعمل Export للبروجكت بحيث تستلمه منه Xml ودي صورة توضح ازاي تعمل الخطوات دي

قائمة File
Export to Final Cut Pro
Save as A xml file

الخطوات زي ماحنا شوفنا في الصور
-هنروح على قايمة File
-نختار Export
-بعدين xml
-بعدين نختار المكان اللى عايزين نحفظ فيه البروجكت ونعمل Save

طب ازاي تعمل open للبروجكت بعد ماخته من العميل

open project in Premiere
open a project on specific path

زي مانتوا شايفين
-هنروح على file
-بعدين open project
-بعدين نختار ال project ال xml اللى احنا استملناه .
هيفتح معاك عادي خالص على البريمير بدون اي مشاكل

ملحوظة مهمة لازم تخلي بالك منها وهو ان افترضنا انه العميل او المونتير اشتغل على الاصدار الجديد وفي شوية مزايا موجودة في الاصدار الجديد ده بس .. هل لما تستلم منه ال xml هتلاقي المزايا دي في الاصدار القديم ؟

الاجابة لا طبعا . والسبب في ده هو ان المزايا دي او الخصائص دي مش موجودة اصلا عندك فالبرنامج مش هيعرف يقراها

زي مثلا Essential graphics دي موجودة في الاصدار الجديد والعميل استخدمها وعمل lower third مثلا .. لما تيجي تشتغل على الاصدار القديم مش هتلاقيها موجودة

انا شايف انه مكتوب final cut pro xml . هل فعلا اقدر احول بروجكت بريمير لبروجكت فاينال كات ؟

الاجابة اه ينفع البروجكت هيتفتح على الفاينال عادي بال xml ده .
بس لو في مزايا في البريمير مثلا مش موجودة في الفاينال بالتالي مش هيتفتح بالمزايا دي .

الطريقة الثانية : تحويل بروجكت بريمير اصدار جديد الى قديم عن طريق ضغطة زر واحدة

ده موقع تقدر تستخدمه في انك برضو تحول بروجكت بريمير اصدار جديد الى قديم
http://joshcluderay.com/downgrade-premiere-project-converter/

Premiere Project Downloader

زي ماحنا شايفين الموقع بسيط جدا . كل اللى هتعمله انك تدوس Choose File بعدين تختار البروجكت بتاع البريمير بتاعك وهو هيحولهولك اوتوماتيك لاصدار قديم تقدر تفتحه على اصدار البريمير بتاعك وتستخدمه

الخلاصة

الطرق دي هتستخدمها في حالة لو العميل او المونتير زي ماقولنا اشتغل مثلا Cuts فقط او حط كل الماتريال على التايم لاين وطلب منك تمنتجها كل دي حاجات بسيطة مفهاش تعقيدات تقدر تنفذ الطرق اللى شرحناها مع بعض بدون ادنى مشكلة . لكن زي ماقولنا لو العميل بعتلك بروجكت في شغل مش موجود اصلا في الاصدار بتاعك .
بالتالي لازم تعميل تحديث للاصدار بتاعك عشان تقدر تواكب التحديثات اولا وعشان كمان تقدر تشوف كل الحاجات اللى عملها العميل ادام عينك من وضع جرافيك عن طريق خاصية Essential Graphics وهكذا.

اتمنى تكون المقالة عجبتكم وعند حسن ظنكم
اشوفكم في مقالة جديدة
ضياء

اظهر المزيد

تعليق واحد

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى