فكرتنا

انا ضياء اتخرجت من كلية حقوق ولكن كان شغفي المونتاج واي حاجة تخص الميديا عامة . اشتغلت فريلانسر على Upwork وFiverr بما يقرب اربع سنين . بشوف ناس بتسأل اسئلة كتير زي 
ازاي اتعلم مونتاج ومنين ابدا وايه البرامج اللى استخدمها .. واحيانا في ناس بتوفر ليهم مصادر اجنبية لأنها تقريبا هي اقوى مننا من ناحية المحتوى ..

الفترة اللى فاتت قررت اني اعمل موقع اسمه https://fulltimevideoeditor.net/
وهو انك ازاي تقدر تشتغل مونتير وانت قاعد في البيت وتتعلم وانت قاعد في البيت او حتى اي مكان زي كافيه مثلا او اي مكان غير انك تبقى موظف تشتغل 12 ساعة او 8 ساعات بمرتب ميليقش بيك ..

الفكرة باختصار هو ان هيكون في مقالات وفي فيديوهات بتدعم المقالات دي تعلمك 
اساسيات المونتاج وايه اللى انت محتاجه عشان تبتدي تشتغل على المواقع دي وازاي تسجل على المواقع دي وهيكون في قسم خاص للفيديوهات بعد استئذان كل العملا اللى اتعاملت معاها (هتكون متوفرة ليكم بحيث تمارسوا عليها كل واحد باستايله ونستفاد من خبرات بعض )

كلي ايمان ان اقدر اجمع كل الاسئلة واجاوبها في صورة فيديو ومقالات في وقت فراغي بحيث اساعد كل شخص حابب انه يكون حر نفسه ويشتغل ويكون لي رزقه . بالتالي لو عندك اي مشكلة واجهتك اثناء رحلتك في المونتاج او لسة هتبدأ ان شاء الله احاول اجاوبك في حدود خبرتي او اسال المختص اللى يديني المعلومة اللى هتفيدك . 

اخيرا هو الموضوع مش اني بقول على نفسي محترف ولكن الموضوع باختصار هو ان اي مجال في اشخاص مستواها مبتديء وناس مستواها متوسط وهكذا .

بالتالي اي مقالة هتنزل او اي فيديو هينزل لو هيفيد المبتديء . بالتالي احنا نجحنا اننا نفيده وحققنا مرادنا في ان كسبنا مونتير جديد عنده افكار مختلفة ومبدعة.

زر الذهاب إلى الأعلى