اساسيات المونتاج

ربح من الانترنت وكيف يتم في مجال المونتاج في حالة عدم وجود اعمال سابقة؟

في ناس كتير اتخرجت من كليات مكنتش حاباها ولكن بسبب التنسيق اضطرت انها تدخل الكليات دي عشان الشهادة . ولكن شغفها هو المونتاج . في المقالة دي هنوضح انه فعلا ممكن يتم الربح من الانترنت كمونتير .ولكن قبل مانبدأ محتاج تسأل نفسك شوية اسئلة هنذكرها على النحو التالي .

هل انا مؤهل اني اشتغل مع شركة اواشتغل فريلانسر على اي مواقع الفريلانس سواء كانت العربية او الاجنبية ؟

في ناس كتير بتعمل اكونتات على المواقع الخاصة بالفريلانس وتبتدي تدور على شغل وفاكره ان المونتاج هو عبارة عن تقطيع فيديوهات وبس كدة . ولكن الموضوع غير كدة تماما . انت لازم تقدم value للعميل عشان يقدر يحس انك فعلا اد البروجكت اللى هو هيديهولك مش مجرد عايز فلوس وخلاص .

طب لو انت فعلا مؤهل واتعلمت كويس جدا وفعلا عندك الموهبة اللى تخليك تبدع في اي بروجكت يتقدملك سواء كان حفلات زفاف مثلا او بروموهات او فيديوهات انستجرام او غيرها من الفيديوهات اللى تعرف تشتغل عليها .

بالتالي انت جاهز انك تشتغل بس محتاج اعمال سابقة تخليك تشتغل مع العميل اللى انت عايز تقدمله ال value دي بالتالي هنروح للنقطة التانية .

هل عندك اعمال سابقة ؟ عشان تقدمها للعميل ؟

كتير مننا نفسه يشتغل بس العملا بتطلب اعمال سابقة وخبرة . في حين ان انت معندكش فعلا اعمال سابقة وممكن يكون عندك الموهبة ومحترف واحسن من ناس كتير عندهم اعمال سابقة . في الحالة دي نتصرف ازاي ؟
اول حاجة فكرة ان العملا كلها بتطلب اعمال سابقة وخبرة دي فكرة عامة ومش دايما بتطلع صح . يعني في عملا كتير جدا بتقدر انك اول مرة تشتغل على الموقع ده وبيدوك فرصة تبعتلهم سيمبل بسيط من الاستايل الخاص بيك والسيمبل ده بيكون مدفوع عشان يتأكد من الجوده بتاعتك وبكدة انت تقدر تشتغل باريحية لأنه فعلا انت شغال وانت عارف ان الشخص ده هيديك فلوس على السيمبل اللى هتعمله فانت مخسرتش حاجة بالعكس انت كدة خت ماتريال تشتغل عليها وكمان منتجت فيديو ( يعني كدة بقى عندك عمل وخت خبرة وهو ده المطلوب كبداية )

ولكن افترضنا انه كل العملا اللى قابلتها على حظك عايزين شغل سابق تعمل ايه ؟؟

في ناس كتير هتقولك روح لمواقع مجانية تديك Stock footage ومنتجها . وده حل كويس مفهوش مشكلة ولكن هتلاقي المواقع دي لو كتبت مثلا wedding videos هتلاقي كل فيديو مختلف عن بعضه وحتى الاشخاص في كل فيديو مختلفة بالتالي انت ازاي هتمنتج مشاهد ملهاش علاقة ببعض ؟

طب الحل ايه ؟
في حلول كتير واخر حل هيفيدك جدا
بس خلينا نقول كل الحلول المتوفرة ليك وانت ت Choose منهم 😀
الحل الاول : هو انك شوف ايه في خيالك وانزل صوره
في ناس مننا عندها كاميرا موبايل او كاميرا بروفيشنال او حتى Dslr كل واحد على حسب ظروفه
تقدر بالكاميرا دي تنزل تصور انت وصحابك مشهد جه في بالك ومنتجه . او انك تصور فرح صاحبك مثلا او فرح حد قريبك او عيد ميلاد المهم انك تحصل على فيديوهات تقدر تحولها الى ماتريال تمنتجها وتشتغل عليها وتبدع وتشوف انت وصلت لايه في المونتاج .

الحل التاني هو موقع اسمه editstock
تخيل اخي العزيز انك تقدر من الموقع ده تنزل اي بروجكت بتحلم بيه .. يعني نفسك تمنتج حفلات زفاف هتلاقي حفلة زفاف كاملة بمشاهدها وبالصوت بتاعها وبكواليتي عالي ومحترم .. نفسك تمنتج اعلان ؟ هتلاقي برضو .. نفسك تمنتج مشاهد افلام ؟؟ هتلاقي .. يعني انت ادامك كنز انك تمارس مونتاج على جميع الانواع اللى تخطر على بالك

مشكلة الموقع الوحيدة ان الفيديوهات دي بينزل عليها علامة مائية بأسم الموقع .. بس انت برضو معتقدش ان ده يهمك لانك عايز الفيديوهات دي كممارسة وحتى لما تيجي تبعتها للعميل فانت برضو هتبعتها بوتر مارك وبلغه بده انك عامل الفيديو ده كاثبات انك تقدر تشتغل بكواليتي تليق بالبروجكت بتاعه .

طب ازاي انزل الفيديوهات دي ؟
اي حاجة شدتك وقررت انك تمنتجها . كل اللى عليك انك تدوس عليها وبعدين تنزل تحت خالص في اخر الصفحه وتدوس View footage هيظهرلك كل الفيديوهات راجع ياباشا براحتك وبعدين نزل فيديوهات على جهازك وانجوي 😀

ملحوظة: هو انك لازم يكون عندك برنامج بيعمل capture للفيديوهات دي . وافضل برنامج بينزل ليا الفيديوهات اوتوماتيك هو Internet Download Manger تقدر تشتريه من موقع الرسمي او انك تبحث عنه في جوجل وهتلاقي مواقع كتير بتنزله متكرك . ولك حرية الاختيار في الشراء او انك تنزله متكرك .


بعد ماتنزل الفيديوهات كاملة كدة انت بقى عندك انواع مونتاج مختلفة
Wedding videos
Documentary videos
commercial
film
Music videos

هل انت محتاج اكتر من كدة كأعمال ليك توريها لأي عميل ويقدر يقيم شغلك اذا كان كويس ولا لا ؟
اعتقد الاجابة مش محتاجين اكتر من كدة .
وده معناه انك مش محتاج تنزل تتدرب عند شركة او تدرب عند حد يستغلك ويخليك يطلع عينك في المونتاج ويخليك تطبق بالساعات عشان تنضفله ماتريال بحيث يشتغل هو عالجاهز بحكم انك لسة بتدرب .. انت مقامك كبير جدا وتقدر تعمل ده بنفسك ومش محتاج ان حد يدربك طول مانت عندك السنس وعندك موهبة الابداع .. ليه لا انك تجرب بنفسك وبدل ماتروح تدرب انت ممكن تنزل شغلك على جروبات المونتيرين وفي ناس كتير محترمة هترد عليك بنقد بناء
او تقدر تتابعنا على جروبنا وتنزل الفيديو اللى عملته واكيد هتلاقي رد في اقرب وقت يساعدك على انك تصلح الاخطاء . وده لينك الجروب FullTime Video Editor Group

كدة احنا عرفنا اننا مؤهلين وكمان منتجنا انواع مختلفة من الفيديوهات وجاهزين بقى للشغل

ازاي نشتغل ؟؟
ادامك طريقين:.
الطريق الاول انك تبتدي تشوف انت شغوف بايه اكتر او اكتر تخصص بتحبه في المونتاج
عايز تشتغل wedding videos ؟
عايز تشتغل Commercial ؟
عايز تشتغل Trailer ؟
وكل الانواع الخاصة بالمونتاج تتخصص في حاجة وتبتدي تشوف الشركات اللى متخصصه في ده
فمثلا Wedding videos روح للناس ال photographers بيبقوا محتاجين حد يمنتج فيديوهات متصورة
شوف شركات الدعاية والاعلان وابعتلهم الاعلانات اللى انت عملتها اكيد حد هيرد عليك وهيحترم شغلك لو انت فعلا مبدع وعملت شغل محترف .

طب افترضنا انك بعتت لناس كتير ومحدش رد او قالولك سعر ميليقش بيك . او حتى رفضوا على الرغم انك مقتنع بشغلك ؟

ساعتها هتروح للطريق التاني وهو انك تبتدي تسجل على مواقع الفريلانسر المشهورة زي
المواقع الاجنبية
Fiverr
upwork
Guru
Peopleperhour
freelancer

بخصوص المواقع الاجنبية لازم تكون على الاقل بتعرف تتكلم انجليزي مش لازم Fluent ولكن على الاقل تعرف تتكلم مع العميل يفهمك وتفهمه .اما بالنسبة للمواقع العربية فانت لو اجنبي فلازم تكون بتتكلم عربي 😀
ولو اجنبي فانت اكيد مش فاهم اي حاجة من اللى بقولها دي اصلا

المواقع العربية
مستقل
خمسات

كل المواقع دي تقدر تكتب على اليوتيوب هيكون ليها شرح مفصل عن كل موقع فيهم سواء بالانجليزي او بالعربي واحنا هنختار افضل المواقع منهم وهيكون في شرح مفصل عن ازاي تتكلم مع العملا وازاي تشتغل . ولكن انت مش محتاج انك تستنى وممكن تبدأ من دلوقتي عن طريق انك تكتب على جوجل او يوتيوب ازاي تشتغل على المواقع دي .
بكدة انت عرفت انت مؤهل ولا لا وكمان وفرت لنفسك اعمال سابقة وعرفت المواقع اللى تروحها عشان تشتغل عليها
ايه اللى مانعك انك تبدأ ؟

في حالة وجود اي استفسار تقدروا تبعتوا الكومنتات بتاعتكم على الصفحه وان شاء الله يتم الرد عليكم في اقرب وقت ممكن

شكرا ليكم

اظهر المزيد

‫3 تعليقات

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى